Mikel Laboa

Ezin ahaztu Mikel, gure kulturako kantagintzan hain garrantzitsua izan dena. Zaila da kantu bat aukeratzea, Hain dira ederrak denak! Hala ere honekin geratzen naiz. Entzun arretaz

Benito Lertxundi

Betidanik gustatu izan zait Benito Lertxundiren musika. Bai entzutea baita nik abestea ere. Koroarekin eta txistulariekin ere hainbat alditan jo izan ditugu bere piezak. Bere orrialdean kantuen hitzez gain partiturak eta audioak ere aurkituko dituzu. Egin zaitez bere jarraitzaile!

Haur txikiak kantuan gustura aritzen dira eguneko ia momentu guztietan. Edozein dela entzuten duten musika kantuan hasteko prest egoteaz gain gehienak ausartak dira eta abesten saiatzen dira. inolako lotsarik edo muga gabe. Urteak aurrera doazen heinean, lotsa areagotzen dijoa eta 12 urtetik aurrera gutxi dira ahoa zabaltzera animatzen direnak. Zer da orduan, lotsa kontua? Zergatik lotsatzen sira hainbeste? Jakin badakigu, noski, adin kontua badela, adin honetan dena lotsagarria egiten baitzaie, baina agian ohitura falta ere bai.
Bigarren hezkuntzan, oso gutxi abesten da musikako klaseetan eta gehienetan irakaslearen ausardia faltagatik dela esango nuke. Batzuetan, irakaslea ez da musikan espezializatua eta ez dago abesten ohituta; besteetan, ordea, bada musikan espezializatua baina, hala ere, abestea ez da klasetan lantzen duena. Egia esan, nahiz eta Musika Hezkuntzako tituloa eduki, ez da bermatzen maisu-maistra horrek kantuaz zerbait dakienik, oso gutxi jorratzen baita gai hori karrera osoan. Tituluakin ateratzen diren ikasle asko eta askok ez dakite abesten. Nola abestuko dute orduan ikasleekin?

Zergatik abesten dugu gero eta gutxiago?

Euskal Herria betidanik izan da asko eta ongi abestu izan duen herri bat. Gure kulturan, beste askotan bezala, oso garrantzitsuak izan dira musika eta kantua eta ahozko transmisioa izan dugu mendeetan zehar gure arbasoen kantuak gaur eguneraino iritsi izanaren bidea.
Aldrebeskeria dirudien arren, nahiz eta garai honetan ahozko transmizioaz gain beste hainbat eta hainbat baliabide eduki zeregin horretan jarraitzeko, kantuzaletasuna desagertzen doa, gazte gehienek, gure folkloreko kanturik ezagutzen ez baitute. Non dago gakoa? Familian? ikastetxean? Inguruan? Moda aldaketan?